Како во сцена од култната мафијашка филмска сага „Кум“, на имот на бизнисмен на Сицилија е пронајдена глава на коњ, а локалните власти веруваат дека тоа би можело да биде тактика за плашење на мафијата, објави The Guardian.
Главата на животното била оставена на седиштето на багер во сопственост на градежен изведувач во Алтофонте во близина на Палермо, главниот град на Сицилија. Таму се пронајдени и остатоци од крава и теле.
Познатиот бизнисмен во тој град го пријавил настанот во полиција и рекол дека веќе бил жртва на закани и предупредувања. Полицијата смета дека бизнисменот може да биде мета, бидејќи наводно одбил да плати пари за заштита и да ги исполни другите барања на мафијата.
Инцидентот потсетува на сцената од филмот на Френсис Форд Копола од 1972 година кога продуцентот се буди и ја најде отсечената глава на неговиот скап чистокрвен коњ во креветот.
Ангела Де Лука, градоначалник на Алтофонте, рече дека нејзината заедница е вознемирена од инцидентот.
„Бев преплашена, не можам да разберам такво варварство. Се чини дека овој чин не враќа во средниот век, со неговите неприфатливи методи“, додава градоначалничката.
Повеќе од 20 мафијашки босови беа ослободени од затвор последните месеци по отслужување на казната.
Оставањето отсечени животински глави или распарчени животински тела е една од најчестите тактики за заплашување на мафијата на Сицилија, постара и од сцената во „Кум“. Истражителите велат дека оваа тактика има двојна цел – да ги тероризира жртвите и да напаѓање на животните за кои често се длабоко приврзани.
Во мај во Палермо пред куќата на друг бизнисмен беше пронајдена глава од коза, а минатата година пред влезот на полициската станица во провинцијата Месина беше обесена свинска глава. Во Палермо, во 2017 година, пред училиште беше оставена обезглавена птица посветена на легендарниот судија против мафијата Џовани Фалконе, кој беше убиен во атентат од Коза Ностра во 1992 година.
