Кога се во прашање изумите што го одбележале човештвото на памет ни паѓаат машки имиња како Томас Едисон, Никола Тесла, Исак Њутн…Но, што е со жените кои со својатa работа ја одбележале историјата? Ако не ви текнува ниту една, еве листа на 6 жени кои измислиле многу интересни работи без кои не можеме:
1.Бришачи на автомобил
Мери Андерсон во далечната 1903 се сетила на бришачите. Шипката со гумен додаток го патентирала една година подоцна. Нејзината идеја била искористена во сериско производство децении подоцна.
2. Монопол
Елизабет Маги е одговорна за една од најпопуларните друштвени игри. Играта оригинално се викала „The Landlord’s Game“ и е измислена односно патентирана во 1903 година. Денеска се користи за забава, но идејата на Елизабет кога ја создала играта била преку неа да го покаже трагичниот ефект што го носи алчноста.
3. Соларно греење
Унгарката Мариа Телкес го измислила првиот систем на греење на соларна енергија. Во 1940 година го развила и го направила достапен првиот соларен систем за домаќинства, а во реализација на проектот и помогнала уште една жена – Еленор Рејмонд.
4. Пиво
Иако со сигурност не можеме да тврдиме кој прв навистина го измислил пивото какво што денес го познаваме, податоците до кои дошле истражувачите велат дека тоа била жена, поточно повеќе жени. Имено пред 7 000 години во Мезопотамија жените биле задолжени за правење пиво. Тоа била вештина која ја работеле исклучиво жените, а тогаш пивото се сметало за божји дар, кое до денес остана еден од најпопуларните пијалоци на сите времиња, а се благодарение на вредните раце на жените.
5. Противпожарни скали
Првите противпожарни скали на надворешната страна на зградите во 1897 година ги измислила Ана Конли. Нејзината идеја ја прифатиле многу архитекти, а оваа идеја се задржала до денес.
6. Панцир
Заштитниот прслук, познат како панцир, го измислила жена. Стефани Кволек го патентирала изумот во 1966 година.
