Од 28 февруари до 2 март, во Софија се одржа академскиот портрет на Јордан Плевнеш, универзално признат писател и актуелен претседател на универзитетот „Еуропа Прима“. Неговото гостување започна со учество во водечката емисија на Бугарската Национална Телевизија, „Панорама“. Тој зборуваше за темата „Балканот како поле на Цивилизација на Љубовта“, восхитувајќи се над манипулациите на политичките елити кои секојдневно поттикнуваат култура на омраза.
Во наредниот ден, во амфитеатарот на Националната театарска и филмска академија НАТФИЗ, пред присутни претставници од различни универзитети, како Нов Бугарски Универзитет и Американскиот универзитет од Благоевград, Плевнеш одржа двочасовно предавање со наслов „Глобалната трагедија од Антиката до денес и дали уметноста може да го промени светот“. Преку впечатливи примери од неговите изведби на драми во различни јазици и на најразлични места, тој создаде хронолошка одисеја на својот уметнички пат, споменувајќи големи личности од книжевниот, театарскиот и филмскиот свет кои оставиле длабоки траги во глобалната духовна меморија.
На прашањето за можноста на уметноста да го промени светот, тој се потпре на зборовите на легендарниот Питер Брук, кои биле дел од документарниот филм чиишто автор е самиот Плевнеш, прикажан во многу земји: „Ниедно уметничко дело не можело да ја промени сликата на светот, бидејќи нуклеарниот геополитички терор и тиранијата на моќта на парите секојдневно ја уништуваат човечката надеж.“
Особен интерес кај публиката предизвика француското издание на неговата драма „Кирил и Методиј, кои сте вие?“, за која уводна реч одржа познатиот бугарски драматург Христо Бојчев. За истата, Жорж Бани, еден од најзначајните светски театролози, напиша во предговорот: „Јордан Плевнеш е планетарен автор.“
Како што е познато, Плевнеш е првиот македонски автор чија драма „Р“ се игра во Народниот театар Иван Вазов, во режија на Љубиша Ѓеоргиевски. На предавањето учествуваа и актерите од неговата последна драма „Глобална комедија“, поставена во култниот Сатиричен театар во Софија, Јорданка Стефанова и Теодор Елмазов.
Следниот ден, во легендарното Кино Влајкова, беше прикажан документарен филм за Плевнеш, во кој со интернационални референци е опфатена неговата богата творечка дејност и бројните признанија, среди кои се истакнува Гран при за животно дело на Француската академија. Во рамките на настанот беше презентиран и македонско-францускиот филм „Тајната книга“, во режија на Владо Цветановски, а по сценарио на Јордан Плевнеш.
На иницијатива на водечките филмски уметници од Бугарија, во Софија започна идеја за организирање на „Балкинофест“, на кој ќе бидат прикажани наградените филмови од Фестивалот на Југоисточна Европа во Париз, Берлин и Вашингтон.
Пред преполната сала на Кино Влајкова, која славеше стогодишен јубилеј, Плевнеш му ја врачи наградата „SEE Actor 2025“ на Руси Чанев, еден од најпознатите актери во Бугарија, што предизвика овации од публиката во Софија.
