Американски конзорциум поднел понуда од околу 2.000.000.000 евра за купување на Наполи од семејството Де Лаурентис, објави „Атлетик“ повикувајќи се на извори од доверба.
Преговорите ги води „Андердог Глобал Партнерс“, инвеститорска група која има за цел да продолжи развојот на клубот, заснован на наследството на Аурелио Де Лаурентис.
Де Лаурентис го презеде Наполи во 2004 година, кога клубот се наоѓаше во третиот ранг на италијанскиот фудбал и се наоѓаше на работ на банкрот. Во меѓувреме, Наполи освои две титули во Серија А, три Италијански купа, и еден Суперкуп.
Според информациите од „Атлетик“, Наполи моментално не е формално на продажба, но тоа не ги спречува преговорите кои траат веќе шест месеци.
„Андердог Глобал Партнерс“ веќе има мнозински удел во Кампобас и контролен удел во кошаркарскиот клуб Наполи Баскет.
Планот на конзорциумот вклучува и апликација за франшиза во НБА Европа, како и создавање мултиспортски систем со фудбалски и кошаркарски клуб од Неапол.
Во понудата се опфатени и инвестиции во инфраструктурата, вклучувајќи приватизација и реновирање на стадионот „Диего Армандо Марадона“.
Преговорите во моментов се во застој поради неколку спорни точки на кои укажал Де Лаурентис, но американските инвеститори се надеваат на продолжување на разговорите во блиска иднина.
Foto/ Depositphotos
