Австралија официјално ќе ја признае палестинската држава, најави премиерот Ентони Албанезе токму за време на годишната сесија на Генералното собрание на Обединетите нации, што ќе се одржи во Њујорк во септември.
Со оваа одлука, Австралија им се придружува на Франција, Велика Британија и Канада, кои исто така најавија слични намери.
Според Албанезе, признавањето е основано на обврските што Палестинската власт ги презела кон Австралија. Во овие обврски спаѓа исклучувањето на Хамас од палестинската влада, демилитаризацијата на Газа, како и организацијата на избори.
„Решението со две држави претставува најдобра надеж за човештвото да го прекине циклусот на насилство на Блискиот Исток и да го стави крај на конфликтот, страдањето и гладот во Газа“, рече Албанезе.
