Борусија Дортмунд уште еднаш би можела значително да профитира благодарение на одличната работа на своите скаути, кои постојано успеваат да препознаат и ангажираат млади англиски таленти пред нивниот целосен развој.
По успехот со Џејдон Санчо и Џуд Белингем, на ред изгледа доаѓа 20-годишниот Џејми Гитенс.
Младиот фудбалер на Борусија привлекува внимание од Премиерлигата, при што Арсенал, Тотенхем и Челзи се меѓу заинтересираните клубови, според извештаите од британските медиуми.Во тековната сезона во германскиот шампионат и Лигата на шампионите, тој забележа 11 погодоци и 5 асистенции.
Гитенс пристигна во Борусија како слободен играч од академијата на Манчестер Сити.Неговиот договор со клубот од Дортмунд е на сила до јули 2028 година, а клубот постави отштетна клаузула од 102 милиони евра.
Дортмунд има богато искуство со англиските фудбалери, откако претходно го донесе Џејдон Санчо од Манчестер Сити за 20 милиони евра, а потоа го продаде на Манчестер Јунајтед за 85 милиони. Исто така, Џуд Белингем беше купен од Бирмингем за 30 милиони евра, а во 2023 година беше реализиран негов трансфер во Реал Мадрид за 113 милиони евра.
