Рецептот што ви го претставуваме денеска се подготвува за 30 минути.
Состојки:
500 г. кисели краставички
500 г. зелени домати
500 г. карфиол
500 г. моркови
150 г. феферонки
1 л. оцет
200 г. сол
400 г. шеќер
5 л. вода
3 ловорови лисја
1 лажичка бибер во зрна
1 винобран
1 конзерванс
Подготовка:
1. Стаклените тегли измијте ги и исушете ги.
2. Излупете ги морковите, а карфиолот исчистете го и исечете го на цветови. Останатиот зеленчук оставете го во целост, со тоа што добро ќе го измиете и исцедите.
3. Соединете ги водата, шеќерот, солта и оцетот, па оставете да зовријат. Тргнете ги од оган, додадете ловоров лист, бибер, винобран и конзерванс. Промешајте и оставете да се олади.
4. Во стаклени тегли редете го измиен зеленчукот, крастафичките, цветовите карфиол, доматот, морковите и феферонките, наизменично, додека теглата не се наполни.
5. Со оладениот прелив полејте го зеленчукот. Покријте со целофан и оставете на ладно и темно место.
