Брза пита со спанаќ – едноставна, но неверојатно вкусна!
Оваа пита е совршено решение кога сакате брзо јадење кое е воедно и вкусно. Лесно се подготвува, па ќе ја имате готова за кратко време. Доколку немате спанаќ, можете да го замените со блитва, коприва или некое друго зелје кое ви е при рака.
Потребни состојки:
- 400 г свеж спанаќ или друг зеленчук по избор
- 4 јајца
- 1 шолја (250 мл) пченкарно брашно
- 2 шолји бело брашно
- 100 мл масло
- 1 кесичка прашок за печиво
- 1-2 лажички сол (по ваш вкус)
- 180 г кисело млеко
- 300 г ситно сирење
Начин на подготовка:
Најпрво, зелениот лиснат зеленчук ситно се сечка, а потоа се меша со останатите состојки во длабок сад. Сѐ се мати додека не се добие хомогена смеса. Добиената смеса се истура во подмачкана тава и се пече во претходно загреана рерна на 200 степени додека не добие убава златно-жолта боја. По печењето, питата се остава малку да се излади, а потоа може веднаш да се послужи.
Совршено јадење за брз доручек,вечера или ужинка – оваа пита не само што е брза,туку и исклучително вкусна!
