„Го поздравуваме големиот напор на локалната изборна администрација, што овозможи наспроти предизвиците со тековната пандемија, изборите да бидат организирани со сите напори за заштита на здравјето и на гласачите и на лицата ангажирани во изборните центри и набљудувачите“, се вели во официјалниот став на Американската амбасада во земјава за изборите, објавен преку Фејсбук.
„Како први генерални избори одржани по влезот на Северна Македонија во НАТО и по поканата за започнување на преговори со ЕУ, од почетокот на годината, овие избори претставуваат значаен чекор кон демократијата“, порачуваат од Амбасадата.
Во соопштението, се изразува и благодарност до ОДИХР за прелиминарната оценка на предвремените парламентарни избори одржани на 15 јули.
