„Овој наратив на ‘вештачки’ нации (хинт: не постои такво нешто како ‘природна нација’, сите се социјални конструкти) звучи познато до болка“, искоментира екс-министерот за надворешни работи Никола Димитров по вчерашното обраќање на рускиот претседател Владимир Путин, кој порача дека Украина е вештачка нација создадена од Русија.
Во таквите тези, Димитров гледа сличност со односот на Бугарија кон земјава, олицетворен, до скоро, без доза воздржување и во изјавите на највисокиот бугарски политички врв – дека македонската е вештачка нација создадена од Тито.
„Заменете го Ленин со Тито и наместо Украина ја добивате Северна Македонија. Во нашиот случај, сепак, нема оружје, само ѕвечкање со членство во ЕУ“, напиша Димитров.
This narrative of “artificial” nations (hint: there is no such thing as a natural nation, all of them are social constructs) sounds painfully familiar. Replace Lenin with Tito and instead of Ukraine you get North Macedonia. In our case though, there are no guns, only EU leverage.
— Nikola Dimitrov (@Dimitrov_Nikola) February 21, 2022
