Пет луѓе се повредени во експлозијата што се случи утрово во нуклеарна централа во Франција.
Експлозијата се случила во нуклеарната централа на компанијата EDF во Фламанвил, а според првичните информации, нема нуклеарна опасност, наведува францускиот “Ouest-France”, повикувајќи се на локалната полиција. Официјалните лица потврдија дека нема нуклеарен ризик, пренесува Ројтерс.
Експлозијата избила околу 10:00 часот во салата со машини, а безбедносните служби од неколку центри во регионот Манш, каде што се наоѓа Фламанвил, се упатени на лице место, заедно со Итната помош.
Посебниот план за интервенција (PPI) не е активиран, бидејќи не постои нуклеарна опасност, соопштуваат општинските власти.
Противпожарните служби потврдуваат дека пожарот и експлозијата избиле во средишниот дел на централата, вон нуклеарната зона.
Од компанијата EDF засега не го искоментираа инцидентот.
https://youtu.be/MSHp2keFVy8
