Оваа година за салонот во Франкфурт Dacia пушта дотерана верзија на моделот Duster. Сосема нов за оваа прилика е 1,2-литарски бензински агрегат TCe со максимална моќ од 125 КЅ. Тој е во комбинација со 6-брзински мануелен менувач.
Кај останатите мотори во палетата на моделот промени нема. Во неа ќе фигурираат бензинскиот 1.6 со максимална моќ од 105 КС, како и дизел со иста зафатнина, со две верзии, со 90 и со 110 „коњи“.
Ревидиран е ентериерот, модернизирани се инструменталната табла и панелот на централната конзола, која добила правоаголна рамка. Освен тоа Duster е со нови седишта и повеќе решенија за ентериерот, а една од опциите предвидува и кожа.
Листата на опции станува побогата и во него влегуваат мултимедијален систем со навигација, преден и заден парктроник, круз контрола, електронски ограничувач на брзината, стабилност, предни и странични воздушни перничиња, како и режим Eco Mode.
Надворешните промени вклучуваат нова предна маска, изменети преден браник и светла и друго.
Текстот е објавен во соработка со АвтоПлус
