Познатиот режисер Гаспар Ное со филмот „LOVE“ ги руши сите табуа!
По премиерата на полноќната проекција во Палас, филмот „Love“ доби громогласен аплауз од својата прва публика која на сите тие секс и експлицитни сцени очигледно не се противи, а и првите критиачри кои успеале да го погледнат филмот воодушевено ја поздравиле храброста на режисерот и особено актерите во пренесувањето на емоциите на кои сите ние сме изложени на големото платно.
Важно е да се истакне дека филмот е делумно автобиографски што го прави најлично режисерско дело на Ное во неговата кариера до сега.
Тоа е најнов филм на признатиот и ценет режисер Гаспар Ное, и станува збор за возбудлива сексуална мелодрама за еден млад човек, една девојка- и уште една девојка.
Поради до сега најексплицитните секс сцени кои се некогаш прикажани во филм, режисерот Ное повторно ги сруши табуата и ги поместува границите како што направи претходно со филмот пред една деценија „Irreversible“, па не е ни чудно што токму филмот „Love“ оваа година во Кан привлече најголемо внимание и подигна најголема прашина.
Не е лошо да се спомене дека филмот е снимен во 3D технологија.
