На петгодишната битка меѓу компаниите Google и Microsoft и се ближи крајот бидејќи и двете компании одлучија да ги завршат споровите и да се откажат од околу 20 тужби во Германија и САД.
Техноложките гиганти се спореа пред пет години во врска со правата кои се однесуваат на технологијата во Xbox конзолите и смартфоните на компанијата Моторола која беше во сопственот на Гугл до јануари 2014 година.
Компаниите не ги открија финансиските услови на договорот, но ветија дека ќе работат заедно на зајакнување на одбраната на интелектуалните права. Мајкрософт исто во 2010 година тврдеше дека Андроид крши некои негови патенти.
Сега почнуваат други времиња во однос на компаниите, а во септември дури започна Мајкрософт-Гугл партнерство со кое гигантите сакаат да развијат нова генерација на стандарди за кодирање и декодирање на видео стримови.
