Поранешниот возач во Формула 1, Хуан Пабло Монтоја, се осврна на ситуацијата во која ќе се најде Луис Хамилтон по преминот во Ферари, истакнувајќи дека не треба да се грижи за можен судир со Макс Верстапен од Ред Бул.
– Оваа сезона, Верстапен нема да му претставува главна пречка на Луис. Би било изненадување ако Ред Бул ја отвори сезоната на исто ниво како и претходно.Адријан Њуи неодамна откри дека проблемите во тимот не се толку едноставни како што може да изгледа однадвор.Ситуацијата е исклучително сложена – понекогаш си уверен дека работите ги правите како што треба,но потоа одеднаш сè тргнува во спротивна насока. Тешко е да се одреди во кој момент треба да се застане и да се преиспита дали вистинскиот пат е избран или, пак, сè уште се прават грешки.
Во такви моменти, постои ризик тимот да започне да тапка во место или дури и да се враќа чекор наназад. Ако продолжи да се оди напред врз основа на погрешни претпоставки, може да стане речиси невозможно да се излезе од криза.Колку подлабоко се навлегува во проблемите, толку потешко е да се најде вистинското решение – потенцираше Монтоја.
Новата сезона на Формула 1 официјално ќе стартува во март со трката за Големата награда на Австралија, а титулата ќе ја брани четирикратниот светски шампион, Макс Верстапен.
