Фудбалерот на аргентинската репрезентација, Лионел Меси, во интервју за „Ло де Поло“ сподели дека отсекогаш имал исклучително добар однос со својот ривал, Кристијано Роналдо.
„Кога јас бев во Барселона, тој играше за Реал Мадрид. Во тој период бевме ривали во се, па јавноста често нè споредуваше. Сепак, нашиот однос секогаш беше пријателски и полн со респект. Денес, и двајцата сме во различни фази од нашите животи, но тоа ривалство што го создадовме беше навистина значајно во спортската историја“, изјави Меси.
Аргентинецот дебитираше за сениорскиот тим на Барселона во 2005 година и остана до 2021 година. За време на своето присуство, одигра 778 натпревари и постигна 672 голови, додека запиша и 303 асистенции.
На другата страна, Роналдо беше дел од Реал Мадрид од 2009 до 2018 година, забележувајќи 450 голови и 131 асистенција во 438 натпревари за мадридскиот клуб.
Двајцата фудбалери неизбежно се наоѓаат во врвот на спортот веќе две децении, оставајќи траен печат на светскиот фудбал.
