Спортскиот директор на Меѓународниот олимписки комитет, Пјер Дукреј, изјави дека не постои основа за забрана на американската алпска скијачка Линдзи Вон да учествува на Олимписките игри во 2026 година.
Според него, конечната одлука за учество носат само спортистите и нивните тренери.
“Им овозможуваме на спортистите да се подготвуваат, а таа веќе неколку пати ја тестираше патеката и покажа дека е спремна за натпревар. Не можеме да кажеме дали било правилно да се натпреварува. Одлуката е нејзина и се носи на ниво на тим, а ова важи за сите спортисти”, рече Дукреј.
На 30 јануари, Вон ги повреди вкрстените лигаменти на коленото за време на натпревар од Светското првенство, но и покрај повредата продолжи да се натпреварува на Олимписките игри.
На 8 февруари, учествуваше во спуст, но не успеа да ја заврши трката поради пад. Четиридесет и едногодишната Американка претрпе фрактура на левата нога и беше евакуирана со хеликоптер од патеката, што резултираше со прекин на натпреварот од 25 минути. Подоцна, Вон беше оперирана и моментално се наоѓа на интензивна нега во болница во Тревизо.
