Под сомнение за поврзаност со Исламската држава, Италија депортираше Македонец и Албанец, поради, како што соопштиле италијанските власти, безбедносни причини.
Двајцата живееле во градот Бари и подолг период биле следени поради тоа што извесно време контактирале со марокански државјанин, симпатизер на ИД.
Медиумите пренесуваат дека кога се уапсени, кај Македонецот и Албанецот се пронајдени пропагандни материјали со антисемитски и антизападни пораки.
Со полициска придружба и двајцата биле депортирани во нивните матични земји.
