Велика Британија, Канада, Германија и многу други држави во средата ја осудија одлуката на Израел за одобрување на 19 нови населби во окупираниот Западен Брег, истакнувајќи дека овој потег ги крши принципите на меѓународното право и дека може да доведе до понатамошна нестабилност. Во заедничката изјава, тие ја повикаа израелската влада да ја поништи оваа одлука.
Со оваа одлука, покрај Велика Британија, Канада и Германија, се согласни и Белгија, Данска, Франција, Ирска, Исланд, Италија, Јапонија, Малта, Холандија, Норвешка и Шпанија. „Го повикуваме Израел да ја поништи оваа одлука, како и проширувањето на населбите“, се вели во заедничката изјава објавена од страна на Велика Британија.
„Подсетуваме дека овие еднострани постапки, како дел од пошироката политичка агенда за населување на Западниот Брег, не само што ги кршат нормите на меѓународното право, туку исто така создаваат ризик од дополнителна нестабилност“, се додава во изјавата.
