Израелскиот министер за одбрана, Израел Кац, донесе одлука за изградба на голем камп наменет за 600.000 раселени Палестинци во јужниот дел на Појасот Газа. Тој истакна дека целта на овој камп е да се ослаби влијанието на Хамас врз населението во палестинската област.
Запланувано е стотици илјади Палестинци, кои во моментов живеат во шатори во реонот Ал Маваси, да ја најдат својата нова сигурна локација во кампот. Кац најави дека изградбата ќе се изврши за време на 60-дневниот прекин на огнот, за кој Израел и Хамас преговараат. Управувањето со кампот ќе биде предадено на „меѓународни партнери“, додека израелската армија ќе се грижи за безбедноста.
Дополнително, Кац спомена и планови за создавање на „хуманитарен град“ на местото на уништувањето во градот Рафа, кој значително страдаше за време на конфликтот.
Во Појасот Газа живеат помалку од два милиони луѓе, а голем број од нив се раселени поради тековниот конфликт. За жал, ниту една земја од светот не изрази спремност да смести Палестинци од овој регион.
