Потребни состојки:
• Пченкарно брашно 1 кг.
• Сол 1 лажица
• Путер 100 гр.
• Масло 100 мл.
• Вода 2,5 л.
Начин на подготовка:
Во длабок сад се става водата да зоврие. Откако ќе зоврие, се додава солта и потоа внимателно се става во неа брашното. Со тенко сукало се прават повеќе дупчиња во брашното и се остава да се вари на тивок оган околу еден час и триесет минути, без мешање. Откако ќе се свари, се меша со сукалото со кружни движења, потоа се додава претходно загреаниот путер и маслото, па одново се промешува, сè додека убаво не се иситни. На крај, по желба, може и да се потпече во релна.
Прилог:
Со ова јадење обично оди во прилог сирење, кисело млеко или јогурт и варено јајце, освен во посни денови.
Рецептот е од кујната на Св. Јован Бигорски
