Секој може да изгледа кул на Инстаграм, сé додека не го фатат.
Неодамна раперот Lil Bow Wow постираше слика (горе) на Инстаграм од која секој би заклучил дека Bow Wow лета со приватен џет. И сé ќе си беше океј ако корисник на Snapchat не го забележеше на својот лет во истиот момент на објавување на фотографијата. Само што, ова не беше приватен чартер, туку обичен комерцијален авион.
А сликата што ја постирал Bow Wow да ти била земена од интернет, и тоа од официјалната страна на аеродромот во Порт Лодердејл. Еве како изгледа без филтри.
И нормално, сега сите го заебаваат Bow Wow. Работата отиде дотаму што на Твитер сега и официјално постои #BowWowChallenge – предизвик во кој корисниците постираат „Инстаграм vs. реалност“ фотографии, за да покажат како тие успеваат да изгледаат кул на друштвените мрежи. Се разбира, сето тоа со огромна доза на хумор.
