Влакненцата на лицето е ноќна мора на секоја девојка и жена. Најчесто жените ја користат депилацијата за да ги остранат влакненцата но, со тој метод најчесто и се стимулира растот на нови влакненца.
Додека ласерскиот третман и електролизата се современи начини за остранување на непосакуваните влакна, тие методи донекаде се и ризични за здравјето. Она што нема да ви го спомнат тие што ги извршуваат овие зафати е дека постои мал ризик од оштетување на капиларите и нервите на лицето, кои можат пак да направат сериозни и трајни проблеми.
Додека за оние жени кои влакната на лицето се последица од здравствената состојба, односно се резултат на хормонално пореметување, менопауза или полицистични јајници, строго се советува да не се превземаат никакви зафати без да се консултираат со доктор. За жал, препишаните терапии најчесто се хормонални, па имаат многу несакани последици.
Она што може да им го препорачаме, без грижа на совест, на сите жени што имаат ваков проблем е редовното конзумирање на чај од нане и витаминот Б6. Со оваа комбинација се намалува лачењето на тестостеронот во телото, што најчесто е причина за забрзаниот раст на влакната. Чајот од нане доколку се пие редовно по две шолји дневно, докажано го намалува нивото на хормонот во телото. Додека витаминот Б6 може да се внесе и преку храната и со апчиња. Најзастапен е во бананите, рибата, компирот и лешникот.
