Не сме баш сигурни дека ова важи и за денес за филмовите со голем буџет, ама до пред некоја година, кога CGI (Computer Generated Imagery) беше скапо, а да најдеш илјадници статисти и да ги облечеш, нашминкаш и координираш – уште поскапо, во многу од филмовите и рекламите во сцените со голема публика се користеа кукли. Илјадници пластични кукли на надувување.
Така, имате компанија што се вика Inflatable Crowd Company која изнајмува вакви кукли. Формирана е во 2002 година за потребите на сцените со толпа во холивудскиот филм Seabiscuit (2003).
Компанијата ги доставуба без лица и перики. Тие им се додаваат подоцна.
Одблизу изгледаат апла лажно и ужасно, но под вистинското светло, агол и далечина, нема шанси да ги забележите.
Публиката на надувување на Inflatable Crowd Company е искористена во најмалку 80 играни филмови. Меѓу нив има и доста големи наслови, како „The King’s Speech“ (2010), „American Gangster“ (2007), „Spiderman 3“ (2007) и многу други. Како што спомнавме погоре, куклите ги имало и во многу реклами и ТВ шоуа.
Еве конкретни примери:
^ Сетот на „American Gangster“ со 1.500 кукли на надувување.
^ Сетот на „Cinderella Man“ (2005 год.) со 11.000 кукли на надувување.
^ Сетот на „We Are Marshall“ (2006), со 2.400 „надувани“.
^ Сетот на „The Changeling“ (2008), со 400 кукли.
^ Сетот на „Glory Road“ (2006) со 4.000 кукли
^ Рани подготовки на сетот на „Angels & Demons“ (2009) со 550 кукли.
