Камбоџа останува длабоко посветена на зачувувањето на мирот по секоја цена и категорично ги отфрла неодамнешните обвинувања од Тајланд, јавија медиумите од Камбоџа.
Во текот на последните три децении, мирот стана неопходен дел од идентитетот на Камбоџа. Тој беше постигнат на 29 декември 1998 година преку Политиката за заемна победа, иницирана од Хун Сен, поранешниот премиер и сегашен претседател на сенатот. Денес, мирот е основата врз која се гради развојот и напредокот на нашата земја. Затоа, камбоџанската влада го поставува зачувувањето на мирот како свој највисок приоритет, без оглед на цената што треба да се плати, изјави камбоџанскиот премиер Пен Бонга.
Тој истакна дека Камбоџа неодамна била обвинета за агресија во конфликтот, дека го иницирала судирот, прва отворила оган и дека го прекршила договорот за прекин на огнот кој беше постигнат во понеделникот во малезискиот главен град Куала Лумпур.
„Овие обвинувања се неосновани и не одразуваат вистинската слика за Камбоџа како земја која се стреми кон мир,” рече портпаролот на владата. Тој додаде дека камбоџанската влада, предводена од премиерот Хун Сен, започнала Стратегија од пет точки, со цел да ја трансформира Камбоџа во земја со високи приходи до 2050 година. Оваа амбициозна цел е целосно изградена на темелите на мирот.
„Затоа, Камбоџа мора да го сочува мирот за да може целосно да се посвети на изградбата и развојот на земјата. Во оваа смисла, секој вооружен конфликт или војна мора строго да се избегнува“, додаде Пен Бонга.
