Видливоста во Пекинг падна на само неколку стотина метри.
Граѓаните се жалат на непријатниот мирис во воздухот, а многумина носат маски на лицата.
Кинеските власти наложиле илјадници фабрики ширум земјата привремено да сопрат со работа поради големото загадување на воздухот и смогот кој зафати многу градови и ја загрози здравствената состојба на луѓето, јавија локалните медиуми.
Пекинг е прекриен со густа сива прекривка од смог, а во градот концентрацијата е 2,5 ПМ, што е еден од најважните показатели за загаденоста. Надминува 598 микрограми на кубен метар, додека безбедносното ниво кое го препишува Светската здравствена организација изнесува само 25 микрограми.
Властите во Пекинг наложија прекин со работа на 2.100 фабрики кои се најголеми загадувачи и ги советуваа граѓаните да не излегуваат од своите станови.
Поради високото количество на смог откажани се повеќе од 30 летови од Пекинг до Шангај, воглавно кон провинцијата Шенси, клучниот кинески произведувач на масло.
Покрај тоа на училиштата во Пекинг им е наложено да не ги пуштаат учениците надвор.
