Комбинацијата од зелена и од црвена боја е одлична за празничниот период, меѓутоа спојот од овие две бои е на многу лош глас во модната индустрија. Сепак, ако некаде правилата постојат за да бидат прекршени, тоа е во модата, затоа деновиве уживајте носејќи ги омилените новогодишни бои.
Лежерен дневен стил
Ако се плашите од спојот на овие две бои, побарајте парче што веќе ги содржи и со кое нема да се грижите за нијансите, како оваа карирана кошула. Носете ја со омилениот пар фармерки и со едноставни рамни чизмички до глужд. Додајте црвена плетена капа и новогодишни модни додатоци како синџирче со елен.
Смел пристап
Ако ги сакате јаките бои, оваа комбинација е совршена за вас. Одберете тесно молив-здолниште во ведра зелена боја и комбинирајте го со обична бела маичка и со кардиган во јака црвена боја. Изгледот финиширајте го со рамни црни чевли и едноставен накит како часовник со анималистички принт.
Нијанси што меѓусебно се акцентираат
За овој изглед почнете со класичен џемпер со нежни риги и шорц со боја на вино. Шорцевите носете ги со сјајни дебели хеланки и кожени чизмички до глужд. Марамата со длабока зелена боја совршено ќе ги акцентира црвените шорцеви, а нежните обетки ќе ја направат оваа комбинација поженствена. [Color Combo to Try: Red + Green]
