Ќе треба да почекаме уште неколку години додека не се појави компактниот модел на Jaguar, кој ќе биде директен ривал на Audi A3 и А-класа на Mercedes.
До неодамна се сметаше дека тоа може да се случи прилично брзо и луксузната британска марка да се здобие со модел позициониран веднаш под XE, но сепак за ова ќе мора да почекаме малку повеќе?!
„Во моментов трендот на луксузните марки да наметнуваат компактни модели е многу силен и тоа се покажува како добар потег, едноставно носи добри резултати“, објаснува директорот на Jaguar, Метју Визнер. „Кај нас сепак таков модел сеуште не е присутен во нашата палета, не дека не размислуваме на ова, но засега имаме други поважни работи, а оваа ќе почека до крајот на оваа деценија.”
Сепак, Визнер призна дека постојат варијанти и побрзо појавата да видиме компактен Jaguar, но секоја од нив е премногу компромисна, за да добие одобрение од шефовите на компанијата.
Првата е компактниот модел да добие варијанта на платформата iQ на Jaguar Land Rover, но така изведбата ќе биде многу скапа и тешко ќе се бори со достапните ривали. Втората можност е компактниот модел да биде изграден на платформа со преден погон, но Визнер е на мислење дека тоа „нема да биде вистински Jaguar”.
Во соработка со Автоплус
