Утврдувањето на разликите помеѓу квалитетното вино "со педигре" и некој бучкур кое обично им се подметнува на наивните купувачи сеуште им е препуштено на дегустаторите на вино и на самите производители кои се потпираат исклучиво на сопствениот вкус, искуството, хемиската анализа и играта на природата.
Утврдувањето на разликите помеѓу квалитетното вино "со педигре" и некој бучкур кое обично им се подметнува на наивните купувачи сеуште им е препуштено на дегустаторите на вино и на самите производители кои се потпираат исклучиво на сопствениот вкус, искуството, хемиската анализа и играта на природата.
Но, Лоренс Лари Биглер, американски професор по хемиски инженеринг, деновиве со колеги од Чиле работи на пронаоѓање компјутерски модел со надеж дека ќе овозможи прецизно утврдување на карактеристиките на квалитетното вино што пак би овозможило на винарите да може да го произведуваат во големи количини.
Професорот, всушност, работи на на изнаоѓање на математичка формула за автоматизација на процесот на ферментација, прилагодување на состојките и условите за добивање на вино со врвен квалитет.
Научниците сеуште во целост не откриле која и каква мешавина од состојки се создава во текот на ферментацијата и што е тоа што предизвикува одушевување кај љубителите на вино. Биглер во своето истражување се насочува на квасецот – "Би сакале да пронајдеме модел на однесување на тој квасец како би го контролирале процесот на ферментација, а со тоа и да создадеме најквалитетно вино".
Во "Лабораторијата за арома" во Сантјаго успеале да ја издвојат хемиската компонента која е виновна за посакуваниот препознатлив вкус и мирис на виното. Една од целите е да им се помогне на винарските трговци да ги избегнат несаканите последици од задоцнетата ферментација, заради која остануваат неферментирани големи количини на шеќери.
Сличен компјутерски систем се користи во хемиската и фармацевстката индустрија и во рафинериите за нафта.
Истражувачите засега го изучуваат само белото вино, затоа што црвеното како што тврдат тие, е посложено и содржи состојки кои се сложени за анализа. Стивен Менке, енолог и стручњак во Пансилванската винарија, тврди дека сортирањето на вината е тешка и одговорна задача затоа што станува збор за природен производ во чие создавање ние дури и не учествуваме.
Од компанијата "Enologix" од Калифорнија, која користи сопствен софвер за анализа на соковите, се надеваат дека ќе го произведат виното кое ќе ги задоволи и најпребирливите дегустатори.
Биглер сепак тврди дека пред се најважно е контролирање на процесот на ферментација, и иако технологијата има потенцијали да го обликува процесот на производство на виното, сепак вистинската уметност е да се добие единствен вкус кој не може да се опише со едноставното одбирање на состојките.
