Премиерот Димитар Ковачевски, на својот Твитер профил, ја осуди одлуката на Руската Федерација да ја признае самопрогласената независност на украинските региони Доњецк и Луганск.
„Ја осудувам одлуката на Русија за признавање на Доњецк и Луганск како самонаречени ‘Народни републики’. Ваквиот чин е директен напад врз територијалниот суверенитет и интегритет на Украина и кршење на договорите од Минск и одлуките на Советот на ООН од 2015“, напиша Ковачевски на Твитер.
„Заедно со НАТО сојузниците повикуваме на решавање на конфликтот по дипломатски пат“, додаде Ковачевски.
Заедно со НАТО сојузниците повикуваме на решавање на конфликтот по дипломатски пат.
— Димитар Ковачевски (@DKovachevski) February 22, 2022
Синоќа и министерот за надворешни работи Бујар Османи, исто така на Твитер, меѓу првите изрази „силна осуда“ за потегот на Русија.
„Силно го осудуваме признавањето на од страна на Русија на украинските области Доњецк и Луганск како независни. Таквите акти претставуваат грубо кршење на меѓународното право. Северна Македонија ја повторува својата недвосмислена поддршка за суверенитетот и територијалниот интегритет на Украина“, порача Османи.
We strongly condemn the recognition by 🇷🇺 of the 🇺🇦 areas #Donetsk & #Lugansk as independent. Such acts represent a severe violation of international law.🇲🇰 reiterates its unequivocal support for sovereignty & territorial integrity of #Ukraine @DmytroKuleba
— Bujar Osmani (@Bujar_O) February 21, 2022
