180
Освен ако не јадеме совршено урамнотежена исхрана и не се придржуваме строго до неа, големи се шансите да имаме недостаток на некоја форма на витамини или минерали.
Еминентниот доктор др. Марк Хајман сподели информации за некои вообичаени недостатоци на витамини на кои треба да се внимава и храна која треба да се јаде за да се обезбеди оптимално здравје.
Витамин Ц
„Витаминот Ц учествува во синтезата на колаген, антиоксидантна заштита и имунолошка функција, ја подобрува апсорпцијата на железо и ја поддржува митохондријалната функција“, објаснува др. Хајман за „Вог“. Се препорачува внесување до 1.000 mg дневно со помош на храна како што се портокали, лимони, бобинки, пиперки и брокула.
Витамин Д
Особено е тешко да се избегне недостаток на витамин Д, особено помеѓу септември и април, кога сончевата светлина не е толку достапна.
„Одржувањето на здрави нивоа е важно бидејќи витаминот Д овозможува апсорпција на калциум, раст на коските и имунолошка функција, а студиите го поврзуваат неговиот недостаток со сезонски афективни нарушувања и депресија“, истакнува докторот.
Најдобар начин да се обезбеди доволно ниво на витамин Д е изложувањето на сончева светлина, а масни риби, збогатени млечни производи, печурки и јајца исто така го содржат, иако е тешко да се внесе доволно само преку исхрана.
Затоа суплементацијата е клучна, вели др. Хајман. Националната здравствена служба (NHS) препорачува 600 IU дневно, но повеќето експерти препорачуваат значително повеќе. Д-р. Хајман советува внесување од 5.000 IU дневно.
Витамин Б12
Луѓето кои не јадат месо се склони кон недостаток на витамин Б12. Б12 е важен за здравјето на нервното ткиво, функцијата на мозокот и производството на црвени крвни зрнца. „Исто така, ја поддржува синтезата на ДНК и помага во спречување на анемија. Одлични извори се рибата, месото, живината, млечните производи и јајцата“, вели докторот, препорачувајќи 1.000 микрограми метилкобаламин (активна дополнителна форма на Б12) дневно.
Витамин Б9
Лиснат зелен зеленчук, мешунки, аспарагус, цвекло, портокали и други агруми се богати со витамин Б9, познат и како фолна киселина. Тој е клучен за синтезата и поправката на ДНК, клеточната делба и формирањето на црвените крвни зрнца и игра важна улога во здравјето на мозокот и менталната благосостојба. Д-р. Хајман препорачува 400 микрограми дневно.
Витамин Б3
„Витаминот Б3, познат и како ниацин, учествува во поправка на ДНК, реакции на стрес и метаболички процеси. Помага во претворањето на хранливите материи во енергија и придонесува за регулација на холестеролот“, објаснува др. Хајман. Ја поддржува и функцијата на нервниот систем и ни помага да се чувствуваме енергично и добро. Ова е причината зошто треба да јадеме живина, риба, посно месо и цели зрна.
