Викендов рускиот претседател Владимир Путин учествуваше во традиционалниот ревијален меч во хокеј на Црвениот плоштад во Москва.
Мечот се игра секоја година, а во него учествуваат руски политичари и поранешни ѕвезди од руската Национална хокеј лига. Годинава, на пример, меѓу учесниците беа рускиот министер за одбрана – Сергеј Шојгу, и хокеарските руски легенди Вјачеслав Фетисов и Павел Буре.
Путин игра секоја година, впрочем натпреварот е и основан од него лично. Овојпат даде пет гола, а неговиот тим победи со 14:10.
Да, лесно е кога сте претседател на Русија и играте со темпо на баби, ама па и Путин не е така млад ко што изгледа – ги има 66 години.
