Додека во Македонија за утре се најавува првиот снег кој ќе формира бела снежна покривка, во регионот веќе има натрупано снег, а во делови како во Хрватска, снегот направи и хаос деновиве.
Управата за хидрометеоролошки работи информира дека од недела нашето подрачје ќе биде под влијание на релативно студена и влажна воздушна маса, односно под снежен бран. Се очекуваат врнежи претежно од снег, само во крајниот југоисточен дел од земјава повремено ќе бидат од дожд и снег.
Утринската температура ќе се движи од минус еден до четири, а дневната од нула до пет степени.
Се најавуваат температури и до -20 степени на повисоките места во земјава.
Инаку, интензивните врнежи од снег предизвикаа бројни проблеми во патниот, железничкиот и поморскиот сообраќај во Хрватска, во петок, а за расчистување ангажиирана е и војската.
