„А јас сум подготвен, веднаш откако ќе те поразиме со народот, да ги исправиме сите твои историски и противзаконски грешки“, му порача лидерот на ВМРО-ДПМНЕ – Христија Мицкоски, на премиерот Зоран Заев, откако овој вчера од Битола изјави дека и покрај критиките, подготвен е на спомен-плочите поставувани по Втората светска војна на кои пишува „бугарски фашистички окупатори“ – да остане само „фашистички окупатори“.
„Враќањето на таблите кои ја рефлектираат вистинската историска вистина, а Заев ќе ги смени, ќе биде меѓу првите грешки што ќе ги исправиме!“, додаде Мицкоски.
Според Заев, пак, и Полска и Германија, Франција и Германија, го решавале тоа прашање „низ призмата и зборовите на пријателството“ кога зборувале за фашизмот како појава, за да не се повтори. „Тоа е европската иднина, тоа се европските зборови“, рече Заев.
