Во Пациото на Завод и музеј Битола, беше одржан ексклузивниот моден перформанс „ЕТНО 3/4“, кој ја презентираше традицијата на битолската мода преку современи креации. Настанот, кој привлече големо внимание, ги претстави дизајните на Јасмина Василевски, креаторка на брендот „3/4 by Јasmina“. Колекцијата се базираше на три главни модни влијанија: европската елеганција „А ла Франка“, ориенталниот раскош „А ла Турка“ и етно стиловите длабоко вкоренети во македонската традиција.
