Ова е иднината на контролирањето на поморскиот сообраќај. Овој нов вид на пловка дизајниран од Тае Хун Ли и Сунг Јонг Ким, е наменета да биде самостојна и подвижна.
Секоја од овие пловки ќе биде напојувана од EPAM (electroactive polymer artificial muscle), систем кој создава електрична енергија користејќи ја непресушната енергија на морските бранови. Според дизајнерите, системот се шири и компресира под дејството на секој бран, при што создава електрична енергија преку индукција. Колку енергија? Пет вати во секунда што би требало да биде доволно за правилно функционирање на системот, но за секој случај, пловката е опремена и со соларни панели.
За пловките да бидат видливи во мрак, тие се опремени со голем број црвени LED диоди. Користејќи GPS сигнали пловките ќе создаваат оптимална средина за бродовите. А ако посоти потреба за преместување на одредена пловка, тие можат да бидат идентификувани и контролирани далечински со помош на идентификација со радио фреквенција.
