Музеј обично се прави за да се зачува и прикаже дел од историјата и културата на еден народ, но бидејќи Америка баш и ги нема тие работи, таму може да се најдат најчудните музеи што може да си ги замислите. Повелете, влезете во музејот на стриптизот, на бонбоните и на бодликавата жица(?).
Exotic World Museum или Burlesque Hall of Fame
Поранешната танчерка Dixie Evans го води музејот посветен на златната ера на стриптизот. Музејот има огромна колекција на екстравагантни костуми, постери, фотографии и секакви сувенири како спомен на периодот кога овие танчерки биле популарни во Америка. Посетителите може да ги видат сите овие нешта, како и да научат по некое движење и трик од необичниот занает.
Burlingame Museum of Pez Memorabilia
Од се што е старо и веќе не се произведува, до се што е ново и само што е пуштено во продажба, ако има било каква врска со Pez бонбоните ќе го најдете тука. Заедно со најголемиот Pez на светот и водичот за Pez со повеќе од 500 страни и над 450 фотографии.
Devil’s Rope Museum
Каде ако не во Тексас, ќе најдете уметнички скулптури од бодликава жица, видови огради од бодликава жица, најразлични видови бодликава жица и алатки кои ги користеле каубојците за да прават огради од жиците.
