Одлично предјадење, со кое можете да експериментирате, барем кога станува збор за употребата на состојки.
Состојки:
5 јајца
1 – 2 лажици ајвар
1 -2 лажички сенф
мајонез, по желба
сол, по вкус
бибер
оригано
пиперка
лук во прав
Подготовка:
Јајцата згответе ги на вообичаен начин – треба да бидат цврсто сварени, варете ги 13 – 15 минути. Излупете ги и исечете ги на половина. Жолчките ставете ги во чинија, изгмечете ги и додадете од наведените состојки.
Доколку вкусот ви е премногу силен, наместо една лажица ајвар, можете да ставите мајонез или павлака. Количината на ајварот и мајонезот определете ја самите за да добиете соодветна цврстина во смесата за полнење.
Исолнетите јајца можете да ги декорирате со ситно сецкана пиперка (свежа или кисела) и да додадете оригано и бибер.
Совет: Доколку сте љубител на месни производи, на дното најпрво можете да ставите малку ситно исецкан кулен, па потоа да го наполните јајцето.
