Според најавите на јапонските медиуми наследникот на спортскиот Nissan 370Z ќе се нуди во неколку различни верзии. Ќе има неколку нивоа на моќност, а ќе биде со хибриден систем.
Токму така, според извори блиски на компанијата, по се изгледа најинтересна од нив ќе биде хибридната модификација, која ќе користи бензински турбо агрегат од Mercedes и електромотор. Всушност станува збор за комбинација за варијанта со 3.0-литарски турбо мотор и вкупна моќност од над 400 КЅ. Се претпоставува дека Plug-in технологијата ќе придонесе многу за врвните вредности на автомобилот, но засега детали нема.
Покрај тоа, се навестува дека името на моделот ќе биде заменето со ознаката Z35, а првите официјални фотографии треба да ги очекуваме пред почетокот на салонот во Токио следната година. Продажбата треба да стартува во првите месеци на 2016.
