Неделен ноќен концерт на Марко Виденовиќ со неговата музичка формација „Квинтето“ ќе се одржи на мало плато на Офицерскиот дома со почеток од 22.00 часот.
Музичко разладување со извонредните музичари и звуците на нивните инструменти на Игор Бакревски на кларинет, Владимир Лазаревски на обоа ,Кристијан Кожумановски на бас гитара, Благоја Антовски на тапани и Марко Виденовиќ на виола, клавијатури и композитор
Музиката која ја негува „Квинтето“ е спој на повеќе правци како што се етно, џез … а на моменти и класична музика. Самиот спој на инструментите, вкрстувањето на обоата и виолата, како најчесто застапени во класиката, со бас гитарата и тапаните почесто застапени во популарните жанрови и кларинетот кој е посебна приказна помеѓу сите нив, се создава една интересна мешавина од музички бои, што го прават „Квинтето“ необичен.
Концертот е поддржан од Општина Битола.
