Групата „Depeche Mode“ официјално објави дека долгоочекуваниот албум, тринаесетти по ред, наречен „Delta Machine” ќе го објават на 26 март под етикета на Columbia Records.
„Depeche Mode“, исто така, потврдија дека видеото за првиот сингл „Heaven“ премиерно ќе биде прикажан на 1 февруари на VEVO.
Покрај стандардното CD, албумот „Delta Machine“ ќе биде достапен и во посебно делукс издание со четири бонус песни и фотографии од нивниот близок соработник Антон Корбејн.
„Правењето на овој албум беше помалку застрашувачко искуство, сакавме звукот да биде модерен. Сакам луѓето да се чувствуваат добро додека го слушаат и да пронајдат некој чуден мир. Има нешто магично во него“, вели Мартин Гор.
По објавата на 13. албум, „Depeche Mode“ тргнуваат на европска турнеја во рамки на која ќе настапат во 25 земји и ќе одржат 34 концерти. Во Белград стигнуваат на 19 мај.
[youtube]http://youtu.be/le7m-xTtPKI[/youtube]
