Европската унија би можела да воведе санкции за американскиот новинар Такеру Карлсон поради неговото интервју со рускиот претседател Владимир Путин, објави денеска „Њузвик“, повикувајќи се на изјави на сегашни и поранешни членови на Европскиот парламент.
Поранешниот белгиски премиер и европратеник Ги Верхофштад, кој ја повика ЕУ да ја истражи можноста за воведување „забрана за патување“ на Карлсон, го опиша новинарот како „гласноговорник“ на поранешниот американски претседател Доналд Трамп и Владимир Путин.
„Бидејќи Путин е воен злосторник, а Европската унија ги санкционира сите кои му помагаа во тоа, се чини логично дека Канцеларијата за надворешни работи треба да го истражи и случајот на Карлсон“, рече Верхофштад.
Поранешниот европратеник Луис Гарицано рече дека се согласува со Верхофштат.
„Карлсон повеќе не е новинар, туку пропагандист на најгнасниот режим на европското тло и оној кој е најопасен по мирот и безбедноста во Европа“, рече Гарицано.
