Основното јавно обвинителство Струга информира дека оформило предмет по допрен глас во врска со запаленото знаме на Република Бугарија за време на одржувањето на Вевчанскиот карневал
Предметот е оформен со цел да се испита постоење на кривично дело – Повреда на угледот на странска држава од член 181 од Кривичниот законик.
Притоа, надлежен јавен обвинител издаде наредби до СВР Струга со цел утврдување на идентитетот на сторителот, како и идентификација на други присутни на настанот. Во исто време, по наредба на јавен обвинител ќе бидат обезбедени евентуалните снимки од камери на кои е регистриран инцидентот, а ќе бидат преземени и други дејствија за расчистување на кривично – правниот настан, информираат од обвинителството.
Според членот 181 од КЗ, за лицето што го запали предвидена е парична или казна затвор до 3 години.
