Огромен метеорит паднал во близина на кинеската провинција Џилин. Видеото е објавено на 11 октомври од кинеската видео новинска агенција CCTV и предизвика огромен интерес, а главна причина е што се работи за компилација од снимки од повеќе локации, кои покажуваат до која мера метеоритот го осветлува кинеското небо во моментот додека минува низ Земјината атмосфера.
Кинеските научници во меѓувреме трагаат по остатоците, а патем и ја проверуваат веродостојната на снимките. Очевидците од кинеската провинција велат дека метеоритот поминал околу полноќ на 11 октомври.
