Иако заостанаа во најголем дел од натпреаврот во финалето на Олимписките игри, американските кошаркари ќе играат против Франција, откако многу тешко во полуфиналето ја победија Србија со 95:91 (23:31, 20:23, 20:22, 32:15).
Тоа беше меч во кој Србија водеше на две минути и 15 секунди до крајот, но реши последната четвртина на САД и 32:15 во завршните десет минути. На крајот дојде до целосен пресврт и во финалето Американците ќе играат против домаќинот Франција, исто како пред три години во Токио.
Американците освоија златни медали на последните четири Олимписки игри, а од Барселона во 1992 година и првиот вистински Дрим Тим, односно тогашната победа против Хрватска во финалето, САД имаат седум златни медали на осум олимписки турнири. Аргентина успеа да го освои единственото злато во тој период, во Атина во 2004 година.
Кари со 36 поени беше прв стрелец кај Американците со 9-14 за „тројки“, а додаде и осум скока. Џоел Ембиид постигна 19 поени, а Леброн Џејмс 16 со 12 скока и 10 асистенции. За Србија Богдан Богдановиќ постигна 20 поени, а Никола Јокиќ 17 со пет скока и 11 асистенции.
Српските кошаркари многу брзо им покажаа на Американците дека се многу разиграни и дека се подготвени да направат големо изненадување на Игрите. Целата игра, од самиот почеток, Србија ја носеше фантастичното шутирање, особено за три поена. Србија тргна моќно и ги нападна Американците и речиси не застана во ниеден момент од дуелот.
По првата четвртина Србија имаше предност од 31:23, а особено во целото прво полувреме одличен беше Богдан Богдановиќ во друштво на Јокиќ. Србија имаше и плус 17 во првото полувреме кое заврши со 54:43 за Србија. Кај Американците, Леброн Џејмс имаше само делумно добар одговор против Србите, а секако и Стивен Кари, кој постигна 20 поени пред паузата.
Иако Американците се доближија во третиот период од натпревар, во еден момент српскиот напад почна да се шири од сите страни. Мициќ и Гудуриќ почнаа да го полнат американскиот кош, па на крајот од третата четвртина Србија повторно имаше големи 76:61. Во тој момент шутот за „тројка“ на Србија беше 15-29.
Во последната четвртина ситуацијата почна да се врти. „Тројките“ на Србија запреа накратко, а Американците почнаа да ја намалуваат негативата. На седум минути до крајот стигнаа до 73:78, а на три ипол минути до крајот израмнија на 84:84. Со серијата кошеви на Кари и Џејмс, Американците на минута ипол до крајот поведоа со 91:86, со што ги дотолчија Србите. Србија можеше да се закани повеќе на самиот крај, но на осум секунди до крајот Кари ги погоди двата слободни фрлања за конечните 95:91.
Претходно во четвртокот Франција ја изненади Канада во четвртфиналето и во полуфиналето го совлада светскиот првак Германија. Француските кошаркари станаа првите финалисти на турнирот на Олимписките игри, откако во полуфиналето домаќинот на игрите ја совлада Германија со 73:69 (18:25, 15:8, 23:17, 17:19) .
За Франција, Гершон Јабуселе постигна 17 поени со седум скока, а Исаја Кординие 16 поени со седум скока. Виктор Вембањама мечот го заврши со 11 поени, седум скока, четири асистенции и три блокади. Кај Германија прво име беше Денис Шрудер со 18 поени и три асистенции. Франц Вагнер постигна само 10 поени со осум скока и три асистенции.
Натпреварот започна со серија од 12:2 на Германците, а светските шампиони ја одржуваа предноста во голем дел од првото полувреме. Французите успеаја во настојувањата да бидат порамноправен противник, а во самиот финиш на втората четвртина домашните успеаја да израмнат на 33:33.
На почетокот на вториот дел Јабуселе и Батум одиграа брилијантно и ја одведоа Франција до првото водство. Французите ја одржуваа предноста, а на крајот од третата четвртина Фурние погоди тројка за 56:50. Освен на самиот почеток, Франција енергично одигра одличен натпревар. Домаѓните кошаркари летаа по паркетот, особено во одбраната. Германците во втората четвртина постигнаа само осум поени, а во голем дел од последниот дел се мачеа офанзивно. На седум минути до крајот домашните првпат поведоа со двоцифрено 63:53.
Се играше тешко до крајот, а Германија сепак успеа да внесе драма на крајот кога Франц Вагнер погоди „тројка“ од далечина на 38 секунди до крајот за 68:70. Вембањама погоди еден удар на 11 секунди до крајот за 71:68, а на другата страна Французите не дозволија потенцијален шут за три поена и продолженија. Во играта на слободните фрлања до крајот Французите не го испуштија водството и славеа премин во финалето.
