Војната ги менува животите на сите. Почнувајќи од војниците со нивното директно учевство, заедницата за која служат, и секако, нивните семејства.
Ниту една болка не е поголема од таа кога ќе загубите некој близок, особено доколку знаете дека причина за смртта е жртвување за општеството.
Познато е дека тагата често пати се претвора во инспирација. Ова и се случило на Лиса Фримен, која го загубила својот син во 2009-та година додека служел во Авганистан. Таа решила да го овековечи споменот од Метју Фримен на еден навистина необичин, креативен начин.
Имено, од неговата униформа, таа започнала да прави мечиња. Откако други луѓе кои загубиле некој близок на истиот начин дознале за ова, ја замолиле истото да го направи и со нивните униформи. Така, таа денес има направено голем број на мечиња, започнувајќи го проектот наречен Метју Мечиња (Matthew Bears).
Најблагородно од се, е што таа го прави сево ова бесплатно, надевајќи се дека на некој начин ќе ја ублажи загубата на семејствата кои ги загубиле своите сакани.
