Советот на Европската Унија препорача условен датум за почеток на преговори на Македонија за членство во Унијата во јуни 2019 година.
За да бидат отворени преговорите, Македонија ќе мора да исполни четири услови: 1) да ги спроведе итните реформски приоритети, 2) да го спроведе договорот со Грција, 3) да добие позитивен извештај од Европската Комисија и 4) одлука од Советот на ЕУ.
Јоханес Хан, европскиот комесар за проширување на Европската Унија, на Твитер вечерва изрази задоволство од таквата одлука.
„Драго ми е што Европскиот совет, после долга дебата, го осветли патот кон проширувањето, особено за Албанија и идната Северна Македонија. Патот кон отворањето на пристапните преговори во јуни 2019 е јасен. Клучен сигнал за регионот дека прогресот е награден, и круцијален за кредибилитетот на ЕУ“, напиша Хан.
Glad that @EUCouncil sees the light on #Enlargement conclusions, esp. on #Albania and the future #North #Macedonia, after long debate. Path twds opening #accession talks in June 19 clear. Key signal to t region that progress is rewarded. And crucial for t #EU‘s own #credibility. pic.twitter.com/cWOD1XZ7Ti
— Johannes Hahn (@JHahnEU) June 26, 2018
