Акциониот актер Стивен Сигал, објави на својот YouTube канал видео порака за поддршка за сите жртви од поплавите во Србија.
„Сакам да ви кажам дека моето срце и молитви одат за загрозените од поплавите во Србија. Јас, моето семејство и мојот бенд со мислите и душата сме со вас, и сакам да знаете дека не сте заборавени. Се надеваме дека наскоро ситуацијата ќе се подобри, и дека ќе ги вратите вашите животи во нормала“, рекол Сигал.
По завршувањето на пораката, објавен е и сајт, преку кој може да им се помогне на оние кои им е потребна помош поради поплавите.
Актерот со својот блуз бенд ќе гостува во „Сава центарот“ на 24 јуни, што ќе биде и првата негова изведба во Белград.
