Полските земјоделци денеска продолжија со блокадата на три премини на украинско-полската граница. Блокирани се премините Јагодин, Рава-Русја и Угринив.
Изминатите денови полските фармери блокираа само три правци. Претходно блокираа шест. Пунктовите Кракивец, Шегини и Устилуг се деблокирани. Сега е интензивиран сообраќајот во двата правци – и кон Украина и кон Полска. А продолжуваат блокадите на контролните пунктови Јагодин, Рава-Русја и Угринив, изјави портпаролот на Украинската гранична служба (ДПСУ) Андриј Демченко.
Тој додаде дека полските земјоделци на граничните премини Јагодин и Рава Руска не им дозволуваат на товарните возила од Украина да влезат во Полска.
За утре е закажан меѓувладин состанок помеѓу Украина и Полска посветен на деблокада на границата.
Во Полска и во други европски земји подолг период земјоделците протестираат поради законот на Европска Унија за заштита на животната средина и нелојалната конкуренција од Украина, бидејќи ЕУ во 2022 година ги укина царините за увоз од Украина.
