Светот е сцена на прекрасниот ум и богатата имагинација. Од своето постоење до денешните денови се создадени многу уникатни и нестандардни дизајни, кои преку своите идеи создаваат револуција. Не е лесно да предизвикаш светот да мисли, но кога поседуваш свој мал имагинарен балон од слики и фотографии, е некако полесно. Токму овие луѓе, се луѓето на промените кои увезуваат фасцинација и оригиналност во сивилото на животот.
Во тој контекст сакаме да ви споделиме неверојатна, колоритна и единствена од ваков вид работа на Коби Леви. Уметничката душа на овој израелски дизајнер на чевли, создава модели кои никогаш до сега не сте ги замислиле. Овој прекрасен ум, комбинира функционалност и комфор со восхит, уметнички дизајн. Високо талентираниот дизајнер има уникатна дарба кога станува збор за уметнички и забавни, но истовремено елегантни потпетици, кои ги тераат жените да се чувствуваат единствени.
